Ghutan


Maoof hota zehan,

Zard parrta chehra,

Bei jaan hota jism,

Udaas hoti aankhein,

Kaanptei wujood ki larzish,

Ghunoodgi kei asaar maujood,

Phooli huwi sansein kharij huween,

Bhook wa piyas ruqsut,

Dard hi dard ki aamud,

Aik takleefdei aah ki awaz,

Doobte huwei akhri awaz,

Aur sans chali gaee,

Insan dhaluk gaya,

Khatum shud ho kar reh gaya!

Budtameezi


Aik zamana tha,

Jub barron se talkh kalaami,

Mana thi,

Laikin ab eisa hai,

Ke takkar hoti hai,

Chote apni awqat bhool jate hein,

Ya pihr azadi jatate hein,

Dunya ke lihaz se waise,

Barre bhi bure ho gae hein,

Kum hi eise bache hein,

Jo sache piyare hein,

Laikin kamuzkum barron ki,

Koee awqat honi chahye,

Agar woh bhi iss ko ghalut tareeqe se istimal karenge,

Pihr to sub zameen bos ho jae ga,

Aur chote barron ki izzat kese karein?

Hein na sharam ki baat?

 

Behtari


Jub ghulti ho jae,

Uss ko tasleem karlo,

Kiun ke pihr baat barr jati hai,

Phudde hote hein,

Masoom pakarr mein ate hein,

Jub ke tasleem karne se,

Aap gir nahi jate,

Balke apne aap ko behtar kar sakte ho,

Yahi to baat hai maze ki,

Apni ghultion se seekho logon,

Aur age barrte raho,

Kamyabi aur izzat isi mein hai,

Jub ke jhoot mein be izzati aur rus waee hai!

Ehtaram


Eise lamhe zaroor ate hein,

Jub koee barra apko rula deita hai,

Ya koee buzurg apki tauheen karte hein,

Laikin hum unki qadr kar ke,

Ehtaram karte hein,

Izzat dete hein,

Par jub woh apne iss barraee ,

Ka ghalut faeda uthate hein,

To ehtaram se hi sahi,

Unko jawab dei deina chahye,

Aur hut jana chahye,

Aakhir barron ko bhi apni hudein,

Yaad rakhni chahye!

Shikast


Lamhat e zindagi mein,

Eise lamhe zaroor ate hein,

Jis mein apki shikast likhi hoti hai,

Aik waqt hota hi hai,

Jahan par insaan haar jata hai,

Laikin doosrei hi lamhe,

Himmat bandta hai,

Kyun?

Kiun ke ap se bhi ziyada azeez zindagian hoti hein,

Jo ke aap se wabasta hein,

Unka khial zinda kar deita hai,

Shadeed takleef mein bhi,

Aapko utha deita hai,

Iss tarha mein bhi ji raha hoon,

Bus aik baar haar gaya,

Par jub heere samne ae,

Sub shikust urrun chu,

Aur mein hans muk hoon!